香港人一年閒閒地都會去兩次旅行，你喺出國旅遊之前有冇買旅遊保險嘅習慣呢？英國有一份調查指出，當地有四分之一嘅英國旅客喺出國旅遊前，都冇購買到合適嘅旅遊保險，當中佔最多嘅，係18 - 24 歲嘅年青旅客。
四成年輕人旅行唔買保險
據《BBC》早前報道，英國旅遊業協會（Association of British Travel Agents）喺2017年訪問咗2,043人，調查有關旅客出遊前購買旅遊保險的情況。結果發現，四份之一嘅受訪者旅行時並冇購買旅遊保險，比起2016年同類型調查上升咗3%。
呢項調查仲發現，如果以年齡做分組計算，年青嘅受訪者，冇買旅遊保險嘅比例較高，18 - 24歲嘅受訪者入面有四成人都唔買旅遊保險，而55歲以上嘅組別，就只有14%嘅受訪者冇買到旅遊保險。
唔買旅遊保後果有幾嚴重？
點解咁多旅客都選擇唔購買旅遊保險？英國旅遊業協會都有深入訪問到受訪者，當中有36%受訪者認為，自己並冇需要投保，而22%受訪者就同意唔買旅遊保會有風險，但可以自行承擔後果。
不過，協會嘅發言人Mark Tanzer 指出，如果旅遊期間遇到事故，好可能要承擔高額嘅海外醫療費用，英國每年都有唔少遊客係外地遇到意外，需要支付龐大的醫療費用。
協會舉例，2015年，有英國旅客去泰國旅遊時，因病導致癱瘓需要喺當地接受幾日治療，並需要支付3.7萬英鎊（約38萬港元）醫療費和運送費用，最後需要屋企人同網友眾籌，先抵銷到部份費用。2016年亦都有遊客喺保加利亞血液中毒，但係佢本身嘅醫療保險唔包括醫療專機運送，需要另外支付2萬英鎊（約20萬港元），可惜家人未籌到醫療專機費，佢就已經不幸離世。
專家：發生意外的醫療費用比保費貴得多！
根據協會發言人指，其實旅客未有購買旅遊保，出發後卻遇到事故嘅個案好常見。旅客應該係旅行前購買旅遊保險保障自己，而唔係發生意外先諗辦法。好多人覺得買旅遊保增加左旅費，但相比起發生事故要支付嘅金額，就只係「小巫見大巫」。
所以話，無論你有幾年青，都應該睇番自己嘅預算同日程，揀份合適嘅旅遊保先最穩陣。
現時經快快飛投保STARR 卓悅遊，即享7折優惠，7日保費都唔洗$100！高危活動、海外醫療費用都有齊，年青人想窮遊就啱晒啦！
