成日都見啲人上網問點樣claim旅遊保險，似乎對旅遊保險嘅索償流程同條款唔係好清楚，其實究竟旅遊保險嘅索償流程係點㗎？點先可以順利索取賠償？快快飛幫你整合各種索償嘅所需文件，一眼睇曬就知道要準備咩啦～
醫療保障
外地嘅醫療費用一般都比較昂貴，如果唔好彩病咗或者遇到意外就會擔心呢一筆額外嘅醫療開支，所以大部份人都比較著緊呢方面嘅索償流程。其中條件係要向當地合資格醫生求診同埋要有相關醫療報告，自行買藥唔會包括在內。按條款規定，投保人要先經當地合資格醫生作首次診治，而且要附上醫療報告嚟證明你未能完成行程。記住一定要係當地合資格醫生，物理治療師是不包括在內㗎。因為好多旅遊保險都冇將索取醫療報告嘅費用列入可索償範圍，投保人係要自行承擔。而各國醫院嘅相關收費都唔同，香港公立醫院嘅醫療報告費用就要接近HK$900。
索償時所需文件：
- 註明醫療費用、診斷結果的醫療單據正本
- 列明受保人的姓名及求診日期的醫療報告
- 旅遊證明（即係登機證）
- 入院證明（如果有留院）
行李箱損毀
行李托運嘅時候難免會有被人掟壞嘅機會，如果你唔好彩咁中咗招，無論係去程定回程，大家都要第一時間通知有關交通機構，向佢哋索取賠償同埋拎番証明行李箱損壞嘅書面報告，因為要有關交通機構拒絕賠償或賠償額不足，保險公司才會補償，而當時冇拎到損壞報告會影響日後無法繼續追討賠償。但如果行李喺火車、船隻或巴士運輸中損毀，相關嘅交通機構未必願意發出損失報告，所以投保人都未必可以提出索償。
向保險公司索償時所需文件：
- 行李箱損毀的照片
- 交通機構發出的財物損失書面報告
- 曾經向交通機構索償的證明
- 購買行李箱的收據（有網民聲稱出示月結單都有用）
- 行李箱的保養證書
- 行李代理商的檢查報告及維修報價
- 旅遊證明（即係登機證）
電子產品損毀
提醒大家，依家嘅電子產品好貴但唔係每個旅遊保險也會提供保障，而且多數未能全額賠償。如果係公幹嘅話最好買配有手機或者平板電腦及手提電腦保障嘅旅遊保險。其他電子產品例如相機嘅損毀，難以全額賠償，因為大部份旅遊保險將相機、鏡頭、其他配件當做一件物品處理。
索償時所需文件：
- 電子產品損毀的照片
- 購買產品的收據（有網民聲稱出示月結單都有用）
- 產品的保養證書
- 產品代理商作出的檢查報告及維修報價
- 旅遊證明（即係登機證）
*遇到盜竊或搶劫，除了以上文件，仲要提供事發後 24 小時內嘅警方報案紀錄。而詐騙係唔包括喺承保項目範圍內！
現金遺失
遊客一直都係小偷的重點關注目標，如果旅遊嘅時候俾人偷銀包，受保人一定要喺事發後 24 小時內向當地警方報案。唔同保單有唔同嘅保障範圍，有啲淨係保障因打劫而遺失現金、另一啲就連意外遺失都會受理。大家喺買旅遊保險嘅時候要了解清楚受保範圍。
索償時所需文件：
- 事發後24小時內向當地警方報案的紀錄 （列明事發經過及遺失的金額）
- 提供提款/外幣兌換紀錄
- 旅遊證明（即係登機證）
行程延誤
近年天氣不穩，航班延誤的情況很容易出現，但原來大多數旅遊保險要超過 5 至 6 小時嘅行程延誤先會獲得賠償。消費者委員會喺5月1日以本香港出發的495班離港航班粗略計算，發現有近7 成（332班）航班延誤，但延誤航班中只有 1 班係延誤超過 5 小時，所以其實受保人得到賠償的機會好微！所以其實受保人得到賠償的機會好微！不過不幸遇上呢啲情況而被迫延誤多數都會得到賠償。而除咗現金賠償，部分保險計劃都會提供有限度嘅住宿及交通保障。
索償時所需文件：
- 交通服務營辦商發出的書面報告（列明延誤時間及原因）
- 有關機票/車票/船票
- 住宿及或交通費用的單據
索償期限
唔同旅遊保單有唔同嘅索償期限，大概分係兩種，索償限期由事故發生當天開始計起，或者係行程完結當天開始計算。如果事先唔清楚可能會因為過咗索償期限而唔受理，搞清楚索償期限，咁樣就知道洗唔洗喺旅行期間交文件俾保險公司。
行程取消－醫療證明不適合外遊
取消行程通常都係賠償已繳付但退唔到嘅費用，例如住宿、入場門券等等。受保人唔適合外遊嘅定義好廣，所有保險計劃都表示會受理因特定事故而取消行程嘅申請，但會要求受保人經合資格醫生診治證明不適合去旅行，當中有保險計劃更需要醫生證明有生命危險先可以索賠。
索償時所需文件：
- 已繳付費用或訂金的收據
- 有關公司發出的退款（拒絕退款）證明
- 由醫生簽發的醫療報告（附詳細的診斷資料及註明不建議受保人外遊）
- 入院證明（如有）
- 受保人的病史紀錄
- 原本行程表
行程取消－出發前直系親屬離世
另一種取消行程而得到賠償嘅情況就係直系親屬離世。每一間保險公司對直系親屬嘅定義都唔同，全部保險計劃都包含父母、子女、配偶及配偶的父母，但有啲就連兄弟姊妹就唔計，定義比較寬鬆嘅計劃甚至將孫女婿同埋孫媳婦都當做直系親屬。所以大家要留意清楚條款細節！
索償時所需文件：
- 已繳付費用或訂金的收據
- 有關公司發出的退款（拒絕退款）證明
- 親屬死亡證
- 與離世親屬關係的證明（出世紙、結婚證書等）
- 原本行程表
快快飛獨家 7折 旅遊保優惠
快快飛幫大家搵咗保障範圍相對全面嘅Starr「卓悅遊」旅遊保險，仲有獨家7折優惠。
Starr「卓悅遊」旅遊保險會保障恐怖襲擊、醫療費用高達1,500,000港元，包括住院及門診、門診費用及次數不設限額、個人意外保障涵蓋18項不同嚴重程度的永久傷殘、保障業餘運動，如熱氣球、潛水、滑雪等，沒有高度或深度限制、設有租車自負額保障。
宜家經快快飛投保Starr卓悅遊即時享有旅遊保險優惠！透過以下優惠連結投保Starr卓悅遊，會自動有 7折優惠！ https://faifaifly.com/starr.html
更多旅遊保險優惠資訊，記得留意快快飛！
