行山、滑雪、潛水受唔受保？旅遊保險保障範圍全面比較｜快快飛

出國旅遊當然要試多D唔同活動，例如行山、滑雪、潛水等等。尤其時冬天就到，好多人都計劃出國滑個旅行雪，呢個時候就要留意下唔同旅行保嘅可保範圍同埋醫療費用嘅最高賠償額。

好多人以為「高危項目」只係包括極限運動好似笨豬跳、滑翔傘、攀石之類，但其實滑雪、浮潛、登山呢D低風險嘅活動要留意受唔受保之餘，仲要留意有冇額外注明限制。

喺旅遊保險條款入面，高危運動保障通常叫做業餘運動保障，唔同公司對高危活動嘅定義未必一樣，對於活動都有唔同限制。以潛水為例，雖然屬於大部分保險嘅保障範疇，但有機會喺條款指出水深限制；行山都係同樣情況，會有海拔高度限制。所以一定要先了解咗自己嘅行程再慢慢比較唔同旅保的保障條款，揀一份至啱自己嘅旅遊保。

留意活動受唔受保之外，仲要留意醫療保障、個人意外及緊急支援呢D項目嘅賠償額金額。萬一不幸發生意外，有咗呢D保障就方便日後嘅就醫同養傷，減少經濟負擔。

快快飛為你準備咗唔同計劃嘅保費同埋受保活動資料作為參考。

		Starr「卓悅遊」	MSIG「逍遙遊6.0」	Zurich「樂優遊+」	AIG「旅遊智易保」	HSBC「旅遊萬全保」
保費	尊貴計劃﹕ 保費 HK$117.6 （快快飛獨家7折優惠）	B計劃﹕ 保費HK$170	個人銀計劃﹕ 保費HK$178	優悠計劃（高爾夫球保障+$25、水肺潛水+$100 ）﹕保費HK$205	1區旅遊目的地﹕ 保費HK$134	B計劃﹕ 保HK$155
醫療賠償	醫療費用最高賠償額﹕ HK$1,500,000	醫療費用最高賠償額﹕ HK$500,000	醫療費用最高賠償額﹕ HK$1,000,000	醫療費用最高賠償額﹕ HK$800,000	醫療費用最高賠償額﹕ HK$800,000（1區）	醫療費用最高賠償額﹕ HK$500,000
水肺潛水	✓	✓（潛水深度最高30米）	✓（潛水深度最高40米）	✓（潛水深度最高18米）	✓（潛水深度最高40米）	✓
滑雪	✓	✓	✓	✓	✓	✓
登山	✓	✓（海拔5,000 米以上進行的高山遠足除外）	✓（海拔5,000 米以上進行的高山遠足除外）	✓	✓	✓
水上活動	✓	✓（滑水、急流漂筏、帆船航行及滑浪風帆）	✓（滑水、急流漂筏、帆船運動）	✓	✓（激流、快艇、水上電單車）	✓
高爾夫球	-	✓（高爾夫球一桿入洞）	✓（高爾夫球用具）	✓（高爾夫球一桿入洞）	✓（高爾夫球一桿入洞）	✓（高爾夫球一桿入洞）
熱氣球	✓	✓	✓	-	-	-
騎馬	✓	✓	✓	✓	✓	✓
滑雪板	✓	✓	✓	✓	✓	✓